WebClick Tracer

Bayranan sa kuryente mosaka karong Abril – Gatchalian

sherwin-gatchalian-vismin

Gipaandam ni Senador Sherwin Gatchalian ang publiko sa pagsaka sa presyo sa kuryente sa sunod bulan ,Abril.

Matud sa senador nga maoy chairman sa Senate committee on energy tungod kini sa pagsaka ug 30% sa presyo sa coal sa world market samtang mi ubos usab ang kantidad sa peso kun itandi sa dolyar tungod sa paglig-on ekonomiya sa America.

Moabot sa 50% sa suplay sa kuryente sa tibuok nasud naggamit ug coal.

Sa pagbanabana sa energy committee uban ang mga taga Department of Energy (DOE), miingon si Gatchalian nga mosaka ug P0.20 sa matag kilowatt sa kuryente.

Alang sa mga tawo nga mogamit ug 200 ka kilowatt matag bulan modugang kinig P15 nga bayranan sa ilang kuryente.

Gamay ra hinuon kini nga kandidad apan makapalit na kinig tunga sa kilong bugas.

Sanglit ting-init kaon hayan mosaka usab ang kunsomo sa kuryente tungod kay dili pagngon ang air-conditioning unit ug electric fan.

Ang pagsaka sa presyo sa coal mahimo usab nga tungod sa pagsaka usab sa buhis tungod sa gipatuman nga Tax Reform for Acceleration and Inclusion (TRAIN) o tax reform law.

TELETABLOID