90
pnp
Feb 8, 2018 @ 18:45
By

18 ka polis nasakpang natulog ug nag-inum, tangtangon sa serbisyo

18 ka polis lakip ang duha ka station commander sa Muntinlupa ug Pasay City ang nasakpang natulog ug nag-inom bisan oras sa ilang pagtrabaho, dihang mihimo’g kinalit nga inspection si National Capital Region Police Office (NCRPO) Director Oscar Albayalde sa mga presinto sa Muntinlupa ug Pasay.

Pasado alas 12:00 sa tunganggabii dihang miabot si Albayalde sa Police Community Precint 4 sa Brgy. Sucat, Muntinlupa City nga iyang naaktohan nga nag-inum sa likod nga bahin sa ilang station ang commander nga si Senior Inspector Mark Oyad ug lang tulo ka sakop niini nga silang PO2 Michael Del Monte, PO2 George Guay Jr., at PO1 Jocyleen Montero.

Human sa usa ka oras, gibisita usab ni Albayalde ang Police Comminity Precint 8 sa Pasay City dinhi iyang naabtan nga natulog ang naka duty nga polis lakip na ang ilang hepe nga si Senior Inspector Ferdinand Duren ug ang 13 ka mga sakop niini.

Bisan gani ang station commander sa presinto sa Malibay nga si Senior Inspector John Glenn Siguan nabat-an usab ni Albayalde nga natulog sa sulod sa iyang opisina.

Matud ni Albayalde nga dili lang pagka tangtang sa serbisyo ang silot nga atubangon sa sa mga pulis nga iyang nasakpang nag-inum ug natulog lakip na ang kasong administratiba.

“Ngayon araw mismo ay kailangan mag-report sila sa aking tanggapan at kailangan disiplinahin,” matud sa opisyal.

Makibahagi: Ano ang masasabi mo sa balita na ito?