399

Nov 9, 2017 @ 16:49
By

18 alkalde, 1 gobernador tinanggalan na rin ng police powers

Tinanggalan na rin ng police powers ang 18 alkalde at isang gobernador ng National Police Commission (NAPOLCOM).

Ito ay batay sa resolusyon na pirmado ni Interior and Local Government officer in charge Catalino Cuy epektibo Oktubre 30.

Ang mga alkaldeng ito ay sina: Sinacaban, Misamis Oriental Mayor Crisinciano Mahilac; Lopez Jaena, Misamis Occidental Mayor Michael Gutierrez; Sapang Dalaga, Misamis Occidental Mayor Donjie Animas; Oroquieta City, Misamis Occidental Mayor Jason Almonte; Concepcion, Misamis Occidental Mayor Juanidy Viña; Calamba, Misamis Occidental Mayor Ezel Villanueva; Pasuquin, Ilocos Norte Mayor Ferdinand Aguinaldo; Concepcion, Tarlac Mayor Andres Lacson; Angeles, Pampanga Mayor Edgardo Pamintuan; Subic, Zambales Mayor Jefferson Khonghun; Camiling, Tarlac Mayor Erlon Agustin; Ronda, Cebu Mayor Mariano Blanco; Santo Niño, South Cotabato Mayor Pablo Matinong Jr.; Libungan, North Cotabato Mayor Christopher Cuan; Banga, South Cotabato Mayor Albert Palencia; Midsalip, Zamboanga del Sur Mayor Leonida Angcap; El Nido, Palawan Mayor Niever Cabunalda-Rosento; at Bataraza, Palawan Mayor Abraham Ibba.

Ang gobernador naman ay si Zamboanga del Sur Governor Antonio Cerilles.

Inalisan ng police powers ang mga ito dahil sa umano’y pagkakasangkot sa iligal na droga batay sa intelligence report ng iba’t ibang intelligence agencies.

Kamakalawa una nang tinanggalan ng police powers ng NAPOLCOM ang limang alkalde sa CALABARZON dahil sa parehong dahilan. (Red Fortaleza)

Makibahagi: Ano ang masasabi mo sa balita na ito?