16
npa
By

13 ka NPA militia, misurender sa Agusan del Sur

Sharing is caring!

Ilang kabubut-on misurender ug miadto sa mga sakop sa 75th Infantry Battalion sa Philippine Army ang 13 miyembro sa New People’s Army militia sa Brgy. Bunawan Brook, Bunawan, Agusan del Sur.

Giila ang mga misurender nga silang Anicita Tamayo, alyas Mona; Randy Bragas, alyas Hero; Supronio Legaspo, alyas Pintal; Nasihasino Saure, alyas Martine; Dessy Generosa, alyas Remart; Marjun Auxillo, alyas Itoy; Heldo Legaspo, alyas Jayboy; Carlita Bragas, alyas Berna; Roberto Sardido Jr., alyas Dodong; Jackson Colinar, alyas Rowen; Edgardo Bragas, alyas Edwin; Angelita Vilyota, alyas Angel; ug Ranilo Detchos, alyas Reb.

Matud ni 1Lt. Michael Pascua, civil military operation officer sa 75th Infantry Battalion sa Philippine Army, nga tungod sa kalisud nga natagamtaman niini sa kabukiran nakahukom kijing motahan sa kagamhanan.

Ang mga misurender malakip sila sa Comprehensive Local Integration Program diin makadawat silag tabang gikan sa kagamhanan.

Nanawagan karon ang militar sa mga NPA nga nagpabilin sa kabukiran sa pagtahan na ug mobalik na sa sabakan sa balaod.

Makibahagi: Ano ang masasabi mo sa balita na ito?