27
ofw-vismin
By

OFW nga gibubuan ug init nga tubig sa iyang amo sa Saudi , mopauli na

Gipahibali nilang ACTS OFW Partylist Rep. Aniceto ‘John’ Bertiz ug Toots Ople sa Blas Ople Center nga makauli na si Pahima Alagasi, ang overseas Filipino worker nga gibubuan ug nagbukal nga tubig sa iyang amo sa Riyadh.

Ang 26-anyos nga OFW nga nag-antos sa grabeng paso sa iyang tibuok lawas nga miabot sa second degree burn , posibleng makapauli sa nasud sulod sa duha ka semana.

Matud ni Bertiz nga ang maayong balita gikan gayud kang Saudi Arabia Ambassador to Manila Dr. Abdullah Bin Nasser Al-Bussairy.

“I am pleased to report that a few hours ago, I received a phone call from Saudi Arabia’s Ambassador to Manila, (His Excellency) Dr. Abdullah Bin Nasser Al-Bussairy, who informed me that Fahima can now leave Riyadh and come home anytime,” matud ni Bertiz.

Matud niya nga nasolbad ang kasong slander nga gisang-at sa amo ni Alagasi pinaagi sa pagtabang ni Saudi Prince ug Interior Minister Abdullah Bin Saud Bin Naif nga bag-o lang mibisita sa Malakanyang.

“Dr. Al-Bussairy notified me that the retaliatory cases filed by the employer against Pahima have been resolved through the intercession of Saudi Prince and Interior Minister Abdulaziz bin Saud bin Naif soon after his official visit to the President in Malacañang,” matud ni Bertiz.

“We consider Pahima’s repatriation as a heartwarming gesture to President Duterte, who brought up her case when the Saudi Prince paid a courtesy visit to Malacañang on Mar. 19,” dugang sa kongresista.

Upat na katuig ang milabay dihang nasuko ni Alagasi ang babaye’ng amo sa Riyadh dihang nahulog niya ang tabon sa thermos samtang nagtimpla kinig kape.

Gipunit sa OFW ang takob sa thermos, dihang kuhaon unta sa iyang amo ang thermos gibubu na hinuon kini kaniya ang tanang tubig sulod sa thermos..

Nakalingkawas si Alagasi dihang nagpatambal kini sa Raseel Medical Center ug mitago sa shelter sa Philippine Embassy sa Riyadh.

Makibahagi: Ano ang masasabi mo sa balita na ito?
Tags: ,