69

By

Metro Manila vs. North Luzon sa Nov. 21 PCC stagfest

Balik ang bigtime stagfighting sa Pasay City Cockpit (PCC) sa Huwebes, Nobyembre 21, sa pagbitaw sa SC Man Dupax 5-Stag Derby tampok ang sagupaan ng Metro Manila at Northern Luzon gamefowl breeders.

‘Di bababa sa 100 sultada ang tinataya sa pasabong na ito ni gamefowl breeder Norman Ranon ng Nueva Viscaya sa mga pagtangkilik ng Sagupaan Superfeeds at Complexor 3000.

Nagpaderbi rin si Ranon sa PCC noong 2017 na nilahukan ng 59 na sabungero.

Ilan sa mga magtatangka sa kampeonato rito sina sabong idol Patrick Antonio, Tony Antonio, Mayor Boyet Ynares, Rey Directo, Capt. RR Lacson, Exodus at Silver Taff , Ed Miranda, Cora Quezon, Ferdie Sales, Engr. Parungao, Chocolate Gamefarm, Doc Ronnie Magbalon;

Jun Rollo, Nono Gamefarm, JF Dones, Jun Pakingan, Eric dela Rosa, Aglipay Cockpit Arena, JR Nikki, Jun Balatbat, Rep. Jose Panganiban, Kampo Nueva Viscaya, J. Paneda, Bernie Tacoy, Mike Vasquez, Atty.Bernard Muro, Delfin Sebastian, San Isidro Cockpit at Gerald Cerda.

Idaraos din sa nasabing sabungan ang Sandy and Palito Big Event 6-Stag Derby sa Lunes, Nob. 25, “Luzon Gamecock Breeders Association PFGB Digmaan 11-Stag National Derby” sa Nob. 28, at Frankie and Friends 5-Stag Derby sa Nob. 29.

Makibahagi: Ano ang masasabi mo sa balita na ito?